Општина Гевгелија со најниска стапка на невработеност во Македонија

Општина Гевгелија има највисока стапка на вработеност во Македонија, споредено со другите општини, потврдуваат последните податоци од Агенцијата за вработување во Гевгелија.

Од Агенцијата денеска соопштија дека се евидентирани 8.679 вработени и оти стапката на вработеност изнесува 77, 29 отсто и е највисока во земјава.

Истовремено, општина Гевгелија се наоѓа на последното место според стапката на невработеност која изнесува 6,82 отсто. Од Агенцијата посочуваат дека уште се евидентирани 766 невработени лица, од кои 303 се жени.

Најголемиот дел од невработените лица или 439 се со основно образование, 196 се со средно, 18 имаат вишо образование, 106 се со високо образование, а седум се магистри.