Унгарскиот премиер Виктор Орбан денеска во Будимпешта разговараше со копретседавачот на десничарската Алтернатива за Германија (AfD) Алиса Вајдел и рече дека партијата е иднината на Германија.
„Иднината во Германија ја пишува АфД. Чест е што лидерката на партијата Алиса Вајдел ја посети Будимпешта“, напиша Орбан на Фејсбук.
Како што пренесува порталот Hungary Today, најважна тема на разговор била европската миграциска криза.
Орбан и кандидатот за германски канцелар се согласија дека запирањето на илегалната миграција, зајакнувањето на европската безбедност и можноста за промена на политичкиот правец на Европа се клучни задачи.
Втората клучна тема на средбата беше прашањето за европската мировна и воена политика.
Орбан претходно изјави дека иако не се согласува со АфД за се, има прашања за кои делат исти ставови.