Орбан ќе расчистувал со медиуми и новинари платени од САД и Брисел

Унгарскиот премиер Виктор Орбан денеска најави дека ќе се судри со политичарите и новинарите кои се финансираат од странство.

Говорејќи на митингот во Будимпешта за прослава на Националниот ден на Унгарија, Орбан рече дека е време да се елиминира „армијата во сенка“ од невладини организации, новинари, судии и политичари платени од САД и Брисел.

Тој се осврна на неговите претходни планови за сузбивање на невладините организации и медиумите кои добивале средства од американската агенција за меѓународен развој (УСАИД) и милијардерот Џорџ Сорос, објави Ројтерс.