18
Војната во Украина добива загрижувачки нов пресврт, изјави унгарскиот премиер Виктор Орбан по состанокот на Унгарскиот совет за одбрана, наведувајќи дека, и покрај сите напори на американскиот претседател Доналд Трамп, војната се продлабочува.
Орбан во видео објавено на социјалните мрежи доцна синоќа рече дека „бриселските бирократи не ги поддржуваат мировните планови на Америка“.
Тој повтори дека Унгарија се спротивставува на продолжувањето на војната во Украина и ги поддржува мировните напори на Трамп, додека Брисел, рече тој, одлучил дека Украина треба да ја продолжи војната, објави МТИ.