Јапонската тенисерка Наоми Осака објави дека нема да одржува прес-конференции за време на Ролан Гарос, бидејќи верува дека на тој начин го штити своето ментално здравје.
Во моментов, вториот рекет на женскиот тенис ги зеде предвид и казните што ВТА може да и ги изрече, па затоа е подготвена да ги плати казните само за да не дојде во контакт со медиумите за време на вториот Гренд слем во сезоната.
– Здраво на сите, се надевам дека сте добро. Сакам да ве известам дека нема да одржувам прес-конференции за време на Ролан Гарос. Честопати чувствував дека луѓето не размислуваат за менталното здравје на спортистите. Се покажа дека е точно секогаш кога гледав конференција или учествував на неа. Тие честопати ни поставуваат прашања на кои веќе сме одговориле или прашања што нè тераат да се сомневаме во самите себе. Едноставно не сакам да се изложувам на тоа. Гледав клипови каде на спортистите им е крајно тешко по поразот на конференциите и сигурна сум дека тоа е случај и со вас. Сето тоа ми се чини како клоцање на лице која веќе паднала и не ја гледам поентата во тоа.
Немам ништо лично против турнирот. Неколку новинари ме интервјуираа уште од детството и имам добар однос со нив. Меѓутоа, ако организаторите мислат дека можат да нè држат со зборовите дека ќе не казнат ако не сме на прес-конференцијата, игнорирајќи го нашето ментално здравје, можам само да се смеам на тоа. Секако, се надевам дека парите од казните што ќе ги добијам ќе одат во добротворни цели, организации кои се занимаваат со ментално здравје – напиша Наоми Осака во својата изјава.