Ако водата ви ги затне ушите, најлошата можна работа што можете да ја направите во овој случај е да забиете прст или памук во увото за да ја извадите.
На тој начин, најверојатно ќе ги влошите работите и на крајот ќе внесете бактерии и ќе ја турнете водата подлабоко во увото. Наместо тоа, еве еден уреден трик одобрен од лекар кој можете да го пробате.
Според експертите од клиниката Мајо, д-р Џеси Бракамонте, лекар за семејна медицина и Николас Дип, специјалист за уво, нос и грло, се што ви треба е пешкир, како и медицински алкохол и бел оцет.
Лекарите рекоа дека ова е она што треба да го направите за да ја извадите водата од вашето уво:
-Користете пешкир за да ја исушите областа
-Ставете мешавина од медицински алкохол и бел оцет во увото.
Според д-р Бракамонте, оваа смеса всушност може да помогне во испарувањето на водата и да го спречи развојот на бактерии или габи.
Д-р Дип додаде дека оваа процедура може да ја промени pH вредноста на ушниот канал, што помага во процесот на испарување, пренесува Klix.ba.
„Овој метод треба да се избегнува доколку постои ризик од перфорација на тапанчето, ушните цевки или тешка инфекција“, додаде тој.