Косовската претседателка Вјоса Османи ѝ честиташе на екс-министерката Радмила Шекеринска за нејзиното именување за заменик-генерален секретар на НАТО Алијансата.
„Ми беше чест да работам со неа во изминатите години, особено на унапредување на Агендата за жени, мир и безбедност. Со нетрпение очекувам да продолжи соработката за нашите заеднички приоритети и и посакувам многу успех во нејзината важна нова улога“, напиша Османи на социјалната мрежа „Х“.
Congratulations to Radmila @Sekerinska on her appointment as Deputy Secretary General of @NATO.
It has been an honor to work with her in the past years, particularly on advancing the Women, Peace, and Security Agenda. I look forward to continued collaboration on our shared…
— Vjosa Osmani (@VjosaOsmaniPRKS) November 19, 2024
Покрај неа, честитки упатија и црногорскиот претседател, Јаков Милатовиќ и шефот на бугарската држава, Румен Радев.
Генералниот секретар на НАТО, Марк Руте одлучи да ја назначи Шекеринска за негов заменик, кој ќе ја преземе функцијата на крајот на годината.
Шекеринска претходно беше потпретседател на македонската влада за европски интеграции и министер за одбрана, во време кога земјава стана членка на НАТО.