Османи: Ахмети е жива историја, многу млади Албанци ставаат профилни слики од него на социјалните мрежи

Вицепремиерот за европски прашања во владата во заминување и портпарол на ДУИ, Бујар Османи за емисијата „Топ тема“ изјави дека го радува фактот што огромен број млади Албанците ставаат профилни слики од Али Ахмети, во однос на неговата покана на Специјалниот суд за правда во Хаг.

„Човекот е жива историја во однос на трансформацијата на улогата на Албанците во регионот. За мене лично е гордост да се биде негов соработник и јас сум уверен дека тој е повикан како сведок во Судот во Хаг. Ликот на Ахмети има свето место кај Албанците“, изјави Османи.