Шефот на македонската дипломатија, Бујар Османи денеска од третиот „Преспа форум за дијалог“ изјави дека до првото гласање во Собранието за уставните измени, имаат шанси за договор со опозицијата.
-Тоа го анализираме на дневна основа, во зависност од роковите во Собранието, рече Османи на прес-конференција.
Османи се заблагодари на партиите кои што ја иницираа резолуцијата за Македонија во германскиот Парламент и очекува поддршка од сите тамошни партии.
-Германија е еден од најсилните поддржувачи на европската перспектива на Македонија. Овие резолуции за поддршка се само потврдување на тоа што формално го има во преговарачката рамка. И без тие резолуции, идентитетот во ЕУ е загарантуран. Како стануваме членка, тој само се промовира се повеќе. Бидејќи има дилеми во јавноста, некои земји иницираа такви иницијатива за да им кажат на граѓаните дека е точно тоа што се гарантира во преговарачката рамка со ЕУ, изјави Османи.
-После преговарачката рамка и ФРОНТЕКС, не треба никаква резолуција, не треба никакво убедување. Тоа е завршено прашање, но опозицијата продолжува да плаши и ги приморуваме пријателите да лансираат такви идеи, за да се потврди идентитетот, јазикот и културата. Ова е од тоа непринципиелно плашење на луѓето, рече шефот на македонската дипломатија.