Претседателката на Косово, Вјоса Османи во интервју за ирскиот дневен весник „Ајриш тајмс“ рече дека приоритет број еден во дијалогот со Србија е прашањето за исчезнатите за време на војната.
– Косово има намера да ја тужи Србија за геноцид и сака нејзините водачи да плаќаат за злосторствата извршени за време на војната 1998/99. и за систематското угнетување на косовските Албанци кои му претходеле. Правдата за 13.000 лица убиени во конфликтот, милионите раселени или депортирани и 1.600 сè уште исчезнати, требаше да биде основа за договорот за нормализирање на односите, рече Османи.
Според неа, тоа треба да биде услов Косово и Србија на крајот да влезат во Европската унија.
Османи вели дека Косово е подготвено со години да чека на „квалитетен“ договор, кој обезбедува „признавање на независноста од Белград, без никакви промени на сегашните граници“.
– Нашата главна задача е да зборуваме во име на жртвите и нивните семејства. Значи, исчезнатите лица се наш приоритет број еден. Исто така, воена оштета за целото уништување што Србија го предизвика во Косово, не само за време на војната, туку и од 1989 година – рече Османи во интервју за „Ајриш тајмс“.