Министерот за надворешни работи, Бујар Османи оствари средба со Хавиер Коломина, заменик помошникот генерален Секретар на НАТО за политички прашања и безбедносна политика и специјален претставник на Генералниот секретар на НАТО за Кавказ и Централна Азија.
Во фокус на средбата беа безбедносните состојби во Западен Балкан, при што заедничко беше констатирана потребата од синхронизирано делување на НАТО и ЕУ на нашите простори, со цел забрзување на процесите на евро-атлантска интеграција. Според соговорниците, ваквиот чекор е клучен за зајакнување на регионалната стабилност, а воедно ќе го спречи делувањето на трети земји во нашиот регион. Во овој контекст, Османи ја потврди силната посветеност на Северна Македонија кон политиката на НАТО на отворени врати.
“Ја истакнав и улогата на Северна Македонија како актуелен претседавач со САД – Јадранската Повелба или позната како А5, во насока на поттикнување на евро-атлантските интеграции на земјите од регионот и зачувување на регионалната безбедност. Ние како претседавачи во тесна координација со земјите членки ја поставивме основата за креирање нов Стратешки концепт на А5, чија главна цел е зајакнување на соработката на земјите од Повелбата кои се членки на НАТО, како и овозможување поголем ангажман и доближување до вредностите на Алијансата на земјите од А5 кои не се НАТО членки” рече Османи.