„Се согласивме дека има шанси во наредните самити на ЕУ, да се направи исчекор, бидејќи вече кредибилитетот на Унијата во регионот е под сериозен тест“, вели министерот за надворешни работи, Бујар Османи во гостувањето на вестите на ТВ Сител.
Според него, реално одлуката е веќе донесена во март минатата година, таа што ја чекавме 16 години.
„Ние всушност чекавме одлука да започнеме преговори и таа постигната со согласност на 27 земји-членки. Процесот трае предолго, а Македонија ги надмина основните критериуми за почеток на преговорите. Со ова ќе се стави во прашање колку е веродостојна европската интеграција во регионот. Алармот е подигнат на високо ниво“, истакна Османи и додаде дека следната недела ќе има поинтезивна дипломатска активност, за да се изнајде решение.
„Ние не се откажуваме“, категоричен е министерот.