Сезоната на лов, на провокатори и на политички профитери е почната. Тоа што нам ни треба е да го зачуваме интегритетот и имиџот кој макотрпно го изградивме пред светот дека тука нема политика на дискриминација кон ниту една заедница, ниту на бугарската. Може да има поединечни проблеми за кои сме подготвени да разговараме, оцени шефот на дипломатијата.
Османи вели дека земјата треба да изгради стратегија за заштита на јавните интереси, а не да јава не на бранот на емоциите.
„Најлесно е некој политичар да се качи на вагонот на емоциите на јавноста. Но, треба да прекине овој циркус на провокации кој се создава меѓу двете држави, мора да се стави крај, бидејќи станува збор за групи кои се заинтересирани да ги киднапираат односите, поради трети страни.
Во периодот што следи остануваме внимателно да ги следиме сите изјави и постапки на официјална Софија, очекувајќи смирување на страстите и отстранување на провокациите, со цел повторно враќање на дипломатските активности“, оцени Османи.