Шефот на македонската дипломатија, Бујар Османи вечерва информира дека нема никаков срам околу Протоколот со Бугарија.
-Тој е записник од седница, која што се уште не е одржана. Протоколите се записници од средби што се одржуваат еднаш годишно и се предвидуваат мерки како да се имплементира Договорот. Сакам да демантирам дека тоа задира во идентитетските прашања. Тој записник нема да задира во никакви идентитетски прашања, туку кажува што прави Владата откако Историската комисија ќе донесе одлуки за заеднички погледи на некакви интерпретации. Доколку нма одлука на Комисијата, ништо не може да се имплементира, смени или прави. Разговарани се кои мерки би биле предвидени за наредната година, но записникот треба да се усвои на седница на меѓувладина комисија. Не е точно дека било што се задира во некои прашања поврзани со историја или идентитет, рече Османи.