Министерот за надворешни работи, Бујар Османи излезе со очекување уште денеска да воспостави комуникација со Бугарија во обид за надминување на спорот а во насока на деблокирање на процесот поврзан со интеграција во Европската унија.
Прашан за координацијата на владиниот тим задолжен за евроинтеграцијата во врска со идните чекори и насоките по кои ќе продолжат преговорите со соседна Бугарија, Османи рече дека координацијата со премиерот и со сите чинители во земјава уште во првите денови од годинава, се праќа порака дека македонската страна сака решение и оти за прашањето на ЕУ нема да изгубиме ниту еден ден, независно од разочарувањето кое го имавме со исходот во декември.
Османи апелира до премиерот и претседателот што побрзо да се усогласат околу персоналните решенија за идни амбасадори во седум светски метрополи меѓу кои Вашингтон, Анкара, Софија и Каиро. На овој план османи како ново предложил отварање на амбасада во Братислава, Република Словачка, со која дипломатските работи досега ги покриваше амбасадата во Виена, Австрија.