Актерот Метју Пери почина на 28 октомври на 54-годишна возраст.
Како што пренесува Си-Ен-Ен, пријателите и семејството на починатиот актер во петокот основале фондација која има за цел да им помогне на луѓето кои се борат со зависност.
Фондацијата, наводно, ќе прифаќа донации за да им помогне на поединци кои се борат со зависност.
„Во духот на трајната посветеност на Метју Пери да им помага на другите кои се борат со болеста на зависност, тргнуваме на патување за да го испочитуваме неговото наследство со основање на Фондацијата Метју Пери, водени од неговите сопствени зборови и искуства и водени од неговата страст да направи разлика во што повеќе животи“, стои во соопштението на фондацијата.
Организацијата е спонзорирана и одржувана од јавната добротворна организација National Philantropic Trust.