Холандија, откако викендов го вклучи Израел на својата листа на странски држави кои претставуваат закана за земјата, презема уште еден чекор на осуда на израелската воена акција и изгладнувањето на Палестинците во Газа – го забрани влезот на двајца израелски министри – ултрадесничари.
Холандската влада, исто така, ќе го повика израелскиот амбасадор за да ја „осуди неподносливата и неодбранлива ситуација во Газа“.
Забрана за влез во Холандија е изречена за израелските министри Итамар Бен Гвир и Безалел Смотрич, под обвинување за постојано поттикнување насилство над Палестинците и повикување на „етничко чистење“ на Појасот Газа.
Слични чекори досега преземаа Велика Британија, Канада, Австралија, Нов Зеланд и Норвешка.
Шок од Хаг: Холандија го означи Израел како закана за националната безбедност