Дали некогаш сте се запрашале дали вашиот партнер ве лаже за тоа каде оди? Дали некогаш сте уништиле совршена вечер обвинувајќи го вашиот партнер дека направил нешто за што не сте сигурни дали го сторил? Сето ова и многу повеќе се знаци на љубомора.
Нема ништо забавно во љубомората. Ги уништува односите, ги полудува луѓето и предизвикува сомнежи во вас. Никој не сака да биде љубоморен бидејќи таа предизвикува недоверба, ја намалува самодовербата и може да ја расипе инаку одличната врска.
Еве осум совети кои можат да ви помогнат да ја надминете љубомората.
1. Бројте до десет
Нема ништо забавно во тоа да забележите дека вашиот партнер флертува и намигнува на друга личност или ви кажува за некоја славна личност која му е симпатија, но тоа не се работи за кои треба да се вознемирувате.
Секогаш кога ќе почнете да се лутите од љубомора, затворете ги очите и бројте до десет. По десет секунди, запрашајте се дали навистина вреди да си го уништите денот. Ако, пак, треба да разговарате за ова со вашиот партнер, сторете го тоа смирено. Наместо да викате, кажете со мирен тон дека ваквите работи ви прават да се чувствувате непријатно.
2. Верувајте им на вашите инстинкти
Советите погоре се наменети за луѓе кои се соочуваат со непотребна љубомора, а не за оние кои имаат оправдани причини да бидат сомнителни кон партнерот, како што е партнер кој лаже, крие други врски и слично.
Од каде да знаете дека вашиот партнер ви е верен? Наједноставниот одговор е да им верувате на вашите инстинкти.
Разговарајте со вашиот партнер за тоа како се чувствувате и влезете во срцето на проблемот што ја уништува вашата врска.
3. Работете на градење доверба
Довербата е суштински аспект на здравата и среќна врска. Надминувањето на љубомората подразбира здраво ниво на доверба. Не лажете се едни со други, бидете одговорни за своите постапки, изразувајте ги своите чувства, не правете ништо што не би сакале да ви го прави вашиот партнер, покажете дека сте сигурна личност.
Правејќи ги овие работи, вие и вашиот партнер ќе изградите здрава доверба што ќе направи да се чувствувате безбедно и сакано во врската. Запомнете дека никој не е совршен и ќе има некои ситуации кога ќе се повредите ненамерно и затоа можете понекогаш да игнорирате некои работи.
4. Повеќе сакајте се себеси
Љубомората честопати произлегува од проблеми со самодовербата. Можеби не се чувствувате достојни да имате нечија безрезервна наклонетост или можеби некој ја изневерил вашата доверба во минатото и поради тоа се чувствувавте непријатно кога повторно ќе се вљубите.
Здравата врска произлегува од здравото ниво на љубов кон себе. Зајакнувањето на самољубието помага и да се надмине љубомората. Поминете повеќе време со себе, ценете го сопственото друштво и научете се на самодоверба.
5. Изразете ги своите чувства
Она што вие и вашиот партнер го сметате за соодветно однесување во врската, може да биде сосема поинакво и затоа е важно да го искажете она што го чувствувате. Добро комуницирање на вашите чувства е важен чекор за надминување на љубомората. Да бидете свесни за какви постапки и однесување ќе му наштетат на вашиот партнер и обратно ќе ви помогне вие и вашиот партнер да изградите здрава врска.
6. Размислете за советување
Љубомората честопати произлегува од нешто што ви се случувало во минатото. Можеби сте имале трауматично детство или некој во кој сте верувале ве повредил емоционално, вербално или физички. Без оглед на случајот, терапијата може да помогне.
Разговорот со професионални личности може да ви помогне да ја препознаете причината за љубомора, а терапевтот исто така може да ви обезбеди механизми за справување со лутината или љубомората во иднина.
7. Прилагодете ги вашите очекувања од врската
Понекогаш луѓето имаат нереални очекувања од партнерот. Само затоа што сте во врска не значи дека сте ја изгубиле можноста да забележите дека некој друг е привлечен. Да забележите некого надвор од вашата моментална романса, не значи дека нешто не е во ред со вашата врска или дека не сте посветени на вашиот партнер.
Имајте на ум дека прилагодувањето на вашите очекувања не значи намалување на вашите стандарди. Вие не треба да бидете со некој што прави да се чувствувате лошо.
8. Изразувајте љубомора на здрав начин
Љубомората, доколку е изразена веднаш и на здрав начин, може да им помогне на паровите да покажат поголема наклонетост еден кон друг, дека не го земаат својот партнер здраво за готово.
Но, повторно, начинот на кој ја изразувате љубомората ќе биде одлучувачки фактор за тоа колку ви помага. Ако му викате на вашиот партнер, тоа сигурно нема да даде позитивен резултат. Но, ако со почит ја искажете својата загриженост, вие и вашиот партнер можете да ја користите љубомората како можност да научите и да созреете како двојка, пишува Lifehack.