Осум земји поднесоа официјална понуда за организација на Европското првенство во кошарка во 2029 година.
Тоа се Естонија, Финска, Германија, Грција, Литванија, Холандија, Словенија и Шпанија, соопшти Светската кошаркарска федерација (ФИБА).
„Фактот што добивме осум официјални понуди за домаќин на Евробаскет 2029 е доказ за огромната важност на Европското првенство. Федерациите го прифатија сега добро воспоставениот формат на повеќе домаќини, не само како двигател на огромен раст на натпреварувањето, но и како двигател за развојот на спортот во секој агол на континентот“, изјави извршниот директор на ФИБА Европа, Камил Новак.
Според ФИБА, имињата на четирите земји-домаќини на ЕП 2029 година ќе бидат објавени во мај 2025 година. Естонија и Холандија се единствените земји на списокот кои никогаш не биле домаќини на Евробаскетот, додека Финска се обидува да стане прва што ќе биде ко-домаќин на две последователни Европски првенства.
Европското првенство во 2025 година ќе се игра во Финска, Летонија, Полска и Кипар.
Домаќин на нокаут фазата од осминафиналето ќе биде главниот град на Летонија, Рига.