Финскиот претседател Александар Стуб во саботата ненадејно отпатува за да се сретне со американскиот претседател Доналд Трамп на Флорида, каде што двајцата лидери разговараа за зајакнување на билатералното партнерство на нивните земји и одиграа партија голф.
„Претседателот Стуб и јас со нетрпение очекуваме да го зајакнеме партнерството меѓу Соединетите Држави и Финска, вклучително и купувањето и развојот на голем број многу потребни мразокршачи за Соединетите Држави, обезбедувајќи мир и меѓународна безбедност за нашите земји и светот“, објави Трамп на својата платформа „Truth Social“.
Двајцата претседатели се сретнаа на појадок, играа голф и ручаа заедно и разговараа за прашања од надворешната политика, вклучително и за Украина.
Во соопштението од кабинетот на финскиот претседател се вели дека ненајавената посета на Стуб на Трамп била неформална.
Состанокот на Трамп со Стабс дојде еден ден откако потпретседателот Џеј Ди Венс непоканет го посети Гренланд, полуавтономна територија на блискиот нордиски сојузник на Финска, Данска. Венс ја обвини Данска дека врши лоша работа во однос на безбедноста на Гренланд.
Американскиот претседател постојано изразува интерес за преземање на Гренланд, дел од зголемениот меѓународен фокус на конкуренцијата за контрола на Арктикот. Данската влада се противи на таков потег, како и повеќето жители на Гренланд.
Потсетуваме дека во ноември, Канада, Финска и американската администрација на поранешниот претседател Џо Бајден потпишаа договор наречен „Напор за соработка со мразокршачи“ да работат „заедно за развој на арктички и поларни мразокршачи од светска класа преку размена на знаење, информации и ресурси“.