Коронавирусот, кој се проширил преку системот за водоснабдување во станбена зграда во Кина и со тоа ги заразил нејзините жители, предизвикува страв од друг начин на ширење на Ковид-19.
Да потсетиме, слична работа се случи во случај на појава на САРС (акутен респираторен синдром) во 2003 година, кога вирусот се проширил низ цевки во една станбена зграда во Хонг Конг.
Сега многумина се грижат дека SARS-CoV-2 може да се пренесе на ист начин, особено во зима.
Имено, многу пациенти пријавиле гастроинтестинални симптоми, што го зголемува стравот дека вирусот може да се прошири преку измет.
Иако е тешко да се утврди фекалното пренесување на патогенот, а уште потешко е да се докаже неговото ширење преку водоводната мрежа, според некои истражувачи тоа е сосема можно.
– Ковид-19 не е само респираторен симптом, како кашлица. Една третина од пациентите што ги проучувавме имале гастроинтестинални симптоми. Можно е да ни недостасува значителен дел од сложувалката бидејќи сме фокусирани само на респираторните симптоми и тој начин на пренесување – посочува д-р Александар Подбој.
Една студија објавена во списанието „Jama Network“ ја истражува преваленцата на гастроинтестинални симптоми и пролевање на вирусни фекалии кај пациенти со Ковид.
– Податоците се добиени само за пациенти со дијареја, гадење или повраќање, промени и нивоа на ензими на црниот дроб и фекално пролевање на вирусот. Во нашата анализа на неколку студии во кои SARS-CoV-2 беше изолиран од столицата, фекално-оралниот пат на пренесување може да биде дополнителен потенцијален извор на инфекција. Нашите резултати исто така сугерираат дека тестирањето на вирусот во измет со употреба на ПЦР тест во реално време може да биде корисно за следење и контрола на болеста, се посочува во списанието.
Други студии, исто така, откриле големи количини на коронавирус во тоалетите во болницата, а една студија дури сугерирала дека пуштање вода во тоалетот може потенцијално да ги исфрли вирусните честички далеку надвор од шолјата.
Така, едно лице може да биде изложено на Ковид со едноставно вдишување на аеросолни фекалии или голтање на вирусот откако ќе ја допре контаминираната површина.
Затоа, препорачливо е секогаш да се спушта капакот на тоалетот при пуштање на вода, а потоа да се дезинфицира даската.