Откриени се нови случаи со делта сојот, ако се соочиме со нов бран, ќе има рестрикции, вели Филипче

Треба граѓаните да се свесни, дека ако не се вакцинираат, може да завршат во болница и да бидат со тешки компликации, рече денеска министерот за здравство, Венко Филипче,

„Ја следиме внимателно состојбата и ќе преземаме мерки доколку тоа е неопходно. Детектирани се уште пет нови случаи на индискиот сој. Три се од Скопје, еден од Куманово и Тетово. Ако се соочиме со нов бран, ќе има рестрикции од септември. Не можеме да страдаме, ако некој не се вакцинира. Висок процент од заразените се невакцинирани, а се уште сме далеку од колективен имунитет од 80 проценти “, истакна денеска Филипче.