Воведувањето на пазарот електричен автомобил од 20.000 евра не е лесна работа, бидејќи носи неколку предизвици. Според Volkswagen, точно се знае колку време треба да се потроши за неговото производство. Времето е клучен фактор, заедно со неколку други елементи во производството.
Можеби најважното прашање е изборот на акумулатор со одредена големина за автомобилот да обезбеди пристојна автономија, но батеријата не смее да биде преголема (скапа), и да има малку поевтина хемија. На ова возило мора да се пристапи како главен глобален модел, а постои и опција Volkswagen да се здружи со партнер, кој ќе произведе сопствена верзија на автомобилот, со цел да се намалат трошоците.
Токму поради помалите трошоци, се чини дека и платформата MEB Entry во моментов е неисплатлива. Сепак, се чини дека клучот за производство на евтин електричен автомобил е всушност времето.
Ова за Automotive News го објасни Кристијан Волмер, директор на производството на Volkswagen, кој изјави дека точната локација на која ќе се произведува моделот не е толку важна колку времето потребно за неговото производство.
„Не е важно каде е произведен автомобилот, дали е Германија, Источна Европа или Јужна Европа. Важно е на неговото создавање да потрошите најмногу 15 часа“, објаснува Волмер.
Затоа, важна е едноставноста на моделот, како и автоматизацијата на производната линија, односно целокупното – време. Како што пренесува „HAK“, Volkswagen ја разгледува Индија како локација каде што би можел да го произведе својот најевтин електричен автомобил.