Кралскиот биограф Сали Бедел Смит раскажа што има во торбата на британската кралица Елизабета Втора, објави „The Sun“.
Според писателот, кралицата секогаш носи очила за читање, ментол бонбони, пенкало, кармин и мало огледало. После секој оброк, таа го вади карминот од нејзината торба и ги мачка усните.
Во недела, кога Елизабета присуствува во црква, таа зема малку пари, кои подоцна ги донира.
Друг експерт за Кралското семејство, Фил Дампер, рече дека кралицата носи и семејни фотографии, крстозборки, тефтер и евентуално паметен телефон.
Во јули, кралицата на Велика Британија беше осомничена дека го навредила новиот премиер Борис Џонсон зашто не ја спуштила торбата од рака за време на ракувањето. За време на состанокот, таа не се раздели со нејзината црна торба од британскиот бренд Launer.
Според кралскиот историчар Уго Викерс, кралицата исто така ја користи торбата, за да сигнализира на нејзините асистенти. На пример, ја става на маса кога сака да си замине и ја преместува од рака во рака кога сака да го заврши разговорот.