Откриено за колку кратко време можеме да дехидрираме, лекарите советуваат како да се заштитиме

од Stefanija Kuzmanovska

Во последната деценија, летните температури значително се зголемија, поради што во Европа има зголемување на смртноста поврзана со топлина – a се проценува дека здравствените ризици предизвикани од топлотните бранови ќе продолжат да растат.

– Околу 60 проценти од нашето тело е вода која ја губиме по малку со потење, дури и со дишење, а доколку не ја компензираме, доаѓа до дехидрација – објасни докторот Дејвид Дела-Густина.

Заедно со жедта, вели тој, најочигледните симптоми на дехидрација се сува уста, гадење, вртоглавица и главоболки, а кога има недостаток на течност, урината ја менува бојата и станува потемна.

Колку брзо можеме да дехидрираме?

Најизложени на дехидрација се оние кои се занимаваат со разни активности на отворено, а според Дела-Густина, тие можат да дехидрираат за само 30 минути.

– За час или два, едно лице може да изгуби литар или два вода, а за дехидрација е доволно и помалку, па може да се појави по само 30 минути – вели Дела-Густина и забележува дека на ризик се најизложени малите деца, но и постари луѓе кај кои телото е потешко да се олади и кои често земаат разни лекови кои го забрзуваат процесот.

Како да се заштитите

Не излегувајте на топлина ако не морате и редовно пијте течности; секој час, вели Дела-Густина. Според него, потребите за течности варираат од личност до личност, а тој посочува дека при силна топлина сите треба да ја провериме бојата на урината и да реагираме доколку се затемни.

„Кога се чувствуваме жедни, веќе сме изгубиле еден до два проценти од телесната течност“, рекол докторот.

Ако забележите некој од знаците на дехидрација; потемна урина, гадење или вртоглавица; тој ве советува да се преместите некаде каде што има поголем проток на воздух (покрај клима уредот или вентилаторот), и многу е важно веднаш да пиете малку течност, по што ќе ја пиете на секои 15 минути.

Инаку, во такви ситуации, обичната вода не е најдобриот избор бидејќи е неопходно да се компензира шеќерот и натриумот поради губење на електролити.

– Ако се рехидрирате исклучиво со вода и не надополнувате електролити, всушност не си помагате себеси – вели докторот и објаснува дека енергетските пијалоци се најдобриот избор за дехидрација – или половина лажица сол и шест лажици шеќер во литар вода.

Слични содржини