Ароматичната рукола со својот пикантен вкус прави совршен додаток на салати, готвени јадења и сендвичи, но покрај тоа што е вкусна и декоративна во чинија, руколата е моќен природен лек.
Малку е познато дека руколата се користи како афродизијак со векови и се смета дека има позитивно влијание врз сексуалниот живот. Од друга страна, руколата е моќно растение кое помага при следните заболувања:
– Богата е со хлорофил, кој е важен за здравјето на црниот дроб и зачувување на ДНК од афлатоксините. За да добиете најмногу хлорофил од руколата, најдобро е да ја консумирате сирова
– Руколата се состои од 90 отсто вода. Затоа е совршена хидратантна храна која особено се препорачува во текот на летото.
– Добра е за здравјето на коските – Витаминот К е неопходен за здравјето на коските бидејќи е потребен за апсорпција на калциум во коските и забите. Три шолји рукола дневно ќе обезбедат 100% од потребите на вашето тело за витамин К. Исто така, содржи осум пати повеќе калциум од зелената салата „ајсберг“.
– Помага во намалување на воспаленијата во телото – Содржи антиоксиданси кои се исклучително важни за намалување на ризикот од воспаление во телото.
– Го чисти и детоксицира телото – Руколата е добра за чистење на дебелото црево и го стимулира варењето. Фитохемикалиите, антиоксидансите и есенцијалните минерали кои се наоѓаат во руколата помагаат во детоксикација на телото.
– Ја поттикнува концентрацијата – Руколата е богата со витамини од групата Б и содржи особено големи количини на фолна киселина. Истражувањето спроведено на постари лица покажа дека ниските нивоа на фолати го зголемуваат ризикот од намалена когнитивна функција.
– Слабеење – Руколата во исхраната може да ви помогне со толку многу хранливи материи. Дополнителна предност е што две шолји содржат само 80 калории, што ги прави добар избор за оние кои сакаат да ослабат.
– Афродизијак – Истражувањата покажаа дека минералите и антиоксидансите во листовите на руколата се неопходни за сексуалното здравје. Тие помагаат да се блокираат загадувачите на животната средина за кои се смета дека се негативни за нашето либидо. Студијата, објавена во март 2013 година во списанието Al-Nahrain University, докажа дека екстрактите од листовите од рукола го зголемуваат нивото на тестостерон и активноста на спермата кај глувците. Резултатите сугерираат дека руколата го стимулира либидото.
Римјаните користеле рукола и лаванда за подготовка на љубовни напивки, а постоело верување дека ова растение се јаде за среќа.
Руколата е диво растение кое расте на запуштени земјишта, а многу лесно се одгледува дома. Руколата најмногу се користи во салати, но и како прилог со месо, зеленчук или ориз, се става над пица, а сендвичите со рукола се неодоливи.
Најмногу ќе придонесе за вашето здравје ако ја јадете свежа.