ПОВЕЌЕТО луѓе даваат се од себе за да ги воспитаат своите деца што е можно подобро, но некои се поуспешни од другите. Таквите луѓе одлично се снаоѓаат во улогата на родители и со квалитетна комуникација, меѓусебно почитување и поддршка се трудат да ги поттикнат своите малечки да станат подобри и поуспешни луѓе. Во астрологијата се смета дека овие знаци најдобро се снаоѓаат во улогата на родители.
Рак
Раковите се семејни типови кои одлично се снаоѓаат во улогата на родители, а понекогаш им се чини дека за тоа се подготвуваат цел живот. Сакаат нивното дете да порасне во добра и чесна личност, но понекогаш се обидуваат премногу да го заштитат и можат да го разгалат. И покрај тоа, тие се посветени на своите деца и тоа ги прави одлични родители.
Бик
Биковите се трпеливи и смирени луѓе кои не ги губат лесно нервите, па затоа добро се справуваат со пакоста на своите малечки. Овие луѓе сакаат да им дадат сè на своите деца и да им ја дадат сета можна љубов. Иако вообичаено се прилично тврдоглави и независни, кога станува збор за родителството, обично се договараат со партнерот за важни одлуки.
Стрелец
Стрелците носат радост во животот на децата. Тие негуваат модерен пристап кон родителството и образованието и сметаат дека и двајцата партнери имаат подеднакво важна улога во образованието. Децата ги обожаваат родителите Стрелец бидејќи тие се позитивни и спонтани луѓе кои, на крајот на краиштата, се деца во душата. И покрај тоа што се разиграни, тие знаат како да ги дисциплинираат децата кога е потребно, а со тоа ја стекнуваат нивната почит.