Додатоците во исхраната станаа незаменлив дел од модерниот начин на живот, бидејќи овозможуваат надополнување на хранливите материи кои честопати недостасуваат во секојдневната исхрана. Правилно избраните суплементи можат да помогнат во зајакнувањето на имунитетот, одржувањето на здравјето и зголемувањето на енергијата, особено кај луѓето со специфични нутритивни потреби. Сепак, нивната употреба бара претпазливост, бидејќи не сите состојки се безопасни за сите корисници.
Бета каротенот и витаминот Е ацетат, на пример, популарни состојки во многу додатоци, може да претставуваат ризик, особено за луѓето кои користат електронски цигари. Истражувањата покажуваат дека комбинацијата на овие супстанции со испарувањето може негативно да влијае на здравјето на дишните патишта.
Проблемите со белите дробови можат значително да влијаат на здравјето и квалитетот на животот, па затоа е важно да внимаваме што внесуваме во нашите тела.
Додека некои додатоци ветуваат придобивки за респираторниот систем, други може ненамерно да ги влошат состојбите на белите дробови. Одредени суплементи, особено во високи дози, може да ги иритираат дишните патишта или да имаат негативна интеракција кога се комбинираат со лекови за белодробни заболувања.
Д-р Мајкл Лeји предупредува на овие два додатоци во исхраната, кои треба да се избегнуваат поради нивното можно негативно влијание врз белите дробови.
Витамин Е ацетат
Витаминот Е ацетат (алфа-токоферол ацетат), присутен во е-цигарите и некои додатоци, е поврзан со проблеми со белите дробови, најмногу поради неговата поврзаност со респираторни тегоби при инхалација.
Иако витаминот Е е од суштинско значење за здравјето и делува како антиоксиданс, витаминот Е ацетат е синтетичка форма која често се користи во производите за испарување и одредени додатоци во исхраната за здравје на кожата, мултивитамински комплекси, додатоци за нега на коса и нокти.
„Кога витаминот Е се користи во форма на ацетат, најчесто во производи или додатоци за е-цигари, тоа може да има сериозни последици за здравјето на белите дробови. „Вдишувањето на оваа супстанца може да предизвика болест позната како „евали“ (повреда на белите дробови поврзана со употреба на електронски цигари или производи за испарување)“, објаснува д-р Леjи за „SheFinds“.
Тој исто така истакнува дека витаминот Е ацетат предизвикува воспаление и отекување на белите дробови, а во некои случаи може да доведе до трајно оштетување на респираторниот систем или дури и смрт.
Долготрајното пушење дополнително го нарушува нормалното функционирање на белите дробови, намалувајќи ја нивната способност ефективно да ја снабдуваат крвта со кислород.
Бета-каротенот или провитаминот А има антиоксидантни својства, но може да има штетни ефекти кога се зема во високи дози, особено кај пушачите и луѓето изложени на азбест.
„Студиите покажаа дека високите дози на бета-каротен го зголемуваат ризикот од белодробни заболувања и рак“, предупредува д-р Леји, додавајќи дека високиот внес на бета-каротен кај пушачите може да предизвика оксидативен стрес предизвикан од чадот од цигарите и да го зголеми ризикот од рак на белите дробови.
Д-р Леји затоа препорачува избегнување на додатоци или масла кои содржат витамин Е ацетат и високи дози на бета-каротин. Наместо тоа, тој советува да консумирате храна богата со природен витамин Е, како што се јаткастите плодови, семките и зелениот зеленчук.
Докторот нагласува дека најдобро е да избегнувате додатоци на бета-каротин, особено ако сте пушач:
„Наместо тоа, користете природни извори на витамин А, како што се моркови, слатки компири и спанаќ, кои не претставуваат ризик за здравјето на белите дробови“, препорачува доктор Леји.