Меган Маркл го прослави својот 44-ти роденден без јавни честитки од кралското семејство, а отсуствуваа и честитки од бројни познати пријатели. Отсуството на честитки за роденден на социјалните мрежи, како од кралските редови, така и од познати личности како Бијонсе и Опра Винфри, отвори нови прашања за заладениот однос меѓу Меган Маркл од една страна и остатокот од светот од друга страна.
Членовите на кралското семејство последен пат јавно ѝ честитаа на Меган во 2021 година, кога наполни 40 години, една година откако таа и принцот Хари се повлекоа од кралските должности и се преселија во Калифорнија.
Кралски извори наведуваат дека родендените само на вклучените членови на семејството се слават преку официјалните канали, но практиката била нееднаква во претходните години. Така, во 2022 година, на нејзиниот 41-ви роденден, Меган добила пораки од принцот и принцезата од Велс, како и од тогашните принц Чарлс и Камила. Уште во 2023 година, следела целосна тишина.
Кралскиот коментатор Ричард Фицвилијамс им посочи на медиумите дека прекинувањето на јавните честитки било претставено како еден вид шлаканица, потсетувајќи дека односите биле дополнително затегнати по мемоарите на Хари „Spare“ и интервјуто со Опра Винфри во 2021 година. Според него, овие настани имале „исклучително штетен“ ефект врз односот меѓу Сасекси и остатокот од семејството.
Овогодинешниот молк се проширил и на поширок круг ѕвезди. Во 2021 година, на нејзиниот 40-ти роденден, Меган добила јавни пораки од Бијонсе, вклучувајќи честитка на веб-страницата на дивата со фотографија од детството на Меган. Немало такви објави оваа година.
Според американските таблоиди и колумнисти, роденденот бил прославен скромно, во тесен круг, без присуство на некои од најблиските познати пријатели како што се Опра, Серена Вилијамс и Тајлер Пери. Еден холивудски извор, на кој се повикува новинарот Роб Шутер, тврди дека врската со Опра „запрела“, и покрај фактот дека токму таа помогнала во лансирањето на медиумскиот бренд на Сасекси по нивното заминување од кралскиот круг.
Отсуството на честитки оваа година е уште еден показател за комплицираните односи и новите правила на играта во животот на Меган и Хари.