Паганини: Федерер се уште не знае дали ќе игра во Лондон

Кондициониот тренер на легендарниот тенисер Роџер Федерер, Пјер Паганини, изјави дека Швајцарецот се уште не знае дали ќе може да настапи на Лејвер купот што ќе се одржи од 23 до 25 септември во Лондон.

Федерер минатата недела најави дека тоа ќе му биде последен турнир во кариерата, но неизвесно е дали ќе може да настапи пред лондонската публика.

Швајцарецот отпатува за Лондон и тренираше во О2 арената, каде треба да игра во Тимот на Европа со Рафаел Надал, Новак Ѓоковиќ, Енди Мареј, Каспер Руд и Матео Беретини.