Полициските сили за борба против тероризмот разгледуваат три пакети со експлозиви, најдени на аеродромите „Хитроу“ и „Лондон Сити“ и на железничката станица „Ватерло“ во Лондон.
– Малите импровизирани експлозивни направи се најдени во поштенски пакети А4, соопшти полицијата и додаде дека никој не е повреден.
Навигацискиот центар на „Хитроу“ е евакуиран, откако пронајдокот бил пријавен во полиција околу 9:55 часот.
– Овие уреди, во оваа рана фаза на истрагата, можат да направат мал пожар при отворањето, се наведува во соопштението.
At approximately 12.10hrs today, Tuesday, 5 March, police were called to a report of a suspicious package at London City Airport Aviation House, Royal Docks, #Newham. Specialist officers are at the scene. The building has been evacuated as a precaution. Enquiries are ongoing.
— Metropolitan Police (@metpoliceuk) March 5, 2019
Во наредните три часа во Лондон се најдени уште два пакета.
Еден дел од станицата „Ватерло“ беше затворен откако беше пријавен вториот пакет околу 11 часот и 40 минути.
По наоѓањето на третиот пакет, околу 12 часот и 10 минути, персоналот од „Лондон Сити“ е евакуиран.
Специјалци се наоѓаат на местото на настанот и истрагата е во тек.