Вчера беше објавено најголемото истекување на тајни документи во историјата наречено „Pandora Papers“.
Документите откриваат тајно богатство на околу 35 светски лидери, и од минатото и од сегашноста, и на повеќе од 300 службеници ширум светот.
Меѓу нив се Тони Блер, Андреј Бабиш, Владимир Путин и неговите соработници. Тука се и јорданскиот крал Абдула II, индиската суперsвезда на крикетот Сачин Тендулкар, колумбиската пејачка Шакира, германската супермоделка Клаудија Шифер, руската телевизиска режисерка и продуцентот номиниран за Оскар, Константин Ернст, италијанскиот мафијаш Рафаел Амато со прекар „Дебели Лел“, но и тренерот на Манчестер Сити, Пеп Гвардиола.
Според „Ел Паис“, било откриено дека Гвардиола избегнувал данок во Шпанија со отворање офшор сметка во Андора. Во 2012 година, владата на Андора, под водство на Маријано Рахој, воведе даночни олеснувања за богатите што привлече многу познати фудбалери да отворат свои сметки во банките во Андора, а истото го направи и Гвардиола.
На таа сметка во банката, Гвардиола ги добивал парите што ги заработувал играјќи за Ал Ахли во Катар, а според шпанските медиуми, на сметката „провлекол“ околу 500 илјади евра, на кои платил само 10% данок.
Исто така, Гвардиола се појавува како претставник на компанијата наречена Repox Investments, која ја користел за да го скрие својот идентитет додека ставал пари преку банката во Андора од 2007 до 2012 година.