Папата го откажа учеството на три настани поради болки во грбот

Папата Франциск денес повторно го откажа учеството на јавни настани поради болки во грбот.

Како што беше соопштено од Ватикан, 84-годишниот поглавар на Римокатоличката црква го откажа учеството во три настани во следните денови поради повторување на невропатијата на ишијас, објави АП.

Американската агенција додава дека се поставува прашањето дали Папата ќе може да замине на планираното патување во Ирак помеѓу 3 и 8 март, не само поради болката во грбот, туку и поради пандемијата на коронавирус.