Папата Франциск денес изјави дека пандемијата на коронавирус ги разбила разнишаните столбови на светскиот економски модел изграден врз идолопоклонството кон парите и доминацијата на богатите и моќните.
Во пораката до учесниците на годишната работилница „The European House – Ambrosetti“, на која учествуваат околу 200 врвни менаџери, економисти и политичари од целиот свет, тој повика на усвојување на нови модели кои ќе бидат поинклузивни и ќе ја намалат социјалната нееднаквост, објави Ројтерс.
Папата Франциск исто така повика на еколошка трансформација на економијата со цел зачувување на животната средина и намалување на расипничката потрошувачка.
Тој рече дека богатите земји не смеат да акумулираат можна вакцина против Ковид-19.
За Папата се верува дека подготвува енциклично писмо, највисоката форма на папско пишување за тоа како тој верува дека треба да изгледа постпандемискиот свет.