Претседателот на Партијата на Македонците во Србија, Горан Илијевски испратил писмо до новата претседателка Гордана Силјановски-Давков, да се огради од „непромислената“ одлука на министерот за надворешни работи, Бујар Османи и со тоа да ја поништи одлуката за Резолуцијата и прогласувањето геноцид во Сребреница.
Пред гласањето за Резолуцијата, Османи изјави дека С.Македонија е еден од коспонзорите на Резолуцијата на ОН за геноцидот во Сребреница.
Илијевски во писмото наведува дека одлуката на Османи е „приватна“ и дека е донесена надвор од македонските институции.
„Ова им наштетува на односите со Србија и македонската национална заедница во Србија, која е составен дел на српскиот народ. Бараме итен одговор пред седницата на ОН и нови инструкции до нашиот амбасадор во ОН“, вели Илијевски во писмото.
Screenshot
Шефот на Мисијата на БиХ во ОН, Златко Лагумџија, на 2-ри мај потврди дека е договорен конечниот предлог за Резолуцијата за геноцидот во Сребреница.
Договорениот текст на Резолуцијата за Сребреница го прогласува 11-ти јули за Меѓународен ден на сеќавање и комеморација на геноцидот во Сребреница во 1995 година, кој ќе се одбележува секоја година.