Партијата на пензионери најостро го осудува малтретирањето на повозрасни лица во некои приватни установи во Скопје

Партијата на пензионери најостро ја осудува појавата на  нехуман третман на стари лица – корисници на услуги за вон-семејна заштита, во неколку приватни установи за оваа намена во Скопје.

Партијата на пензионери, исто така потенцира дека на вакви појави укажувала во повеќе наврати во минатото.

-Исто така даваме полна поддршка на институциите за темелно и доследно справување со ваквите и сличните инциденти во целата држава.

Грижата за највозрасните граѓани е еден од основните постулати на секое современо општество, а воедно и едно од основните принципи и темели на работата на Партијата на пензионери, стои во соопштението на ПП.