Заменик-портпаролот на Стејт департментот Ведант Пател рече дека САД „нема да се двоумат да направат се што е неопходно за да се обезбеди заштита на американскиот персонал“ во Косово.
Пател на прашањето како Стејт департментот, по најавата на Приштина дека ќе го отвори главниот мост на Ибар во Косовска Митровица, ќе реагира за да ги заштити животите на американските војници во КФОР од едностраните дејствија на владата на привремените институции, Пател рече дека, иако сè уште не видел конкретни изјави и коментари на претставниците на Приштина, САД „нема да се двоумат да направат се што е неопходно за да се обезбеди заштита на американскиот персонал и неговиот народ“.
Стејт департментот претходно соопшти дека САД во овој момент не поддржуваат никакви потези за промена на сегашниот статус на мостот Ибар и дека отворањето на мостот за сообраќајот на возила сега го зголемува потенцијалот за насилство и го става локалното население, како и војниците на КФОР, вклучувајќи ги и Американците, во ризик.