Пауновски: Премиерот сам го сфати тоа како пркос, разрешувањето не е казна

„Ме изненади фактот што во државата, народот е жеден за правда и затоа што кога почна поддршката реков „Чекајте во 2017, пред да дојдам сме имале 700 неправилности. Денес имавме 7000 неправилности“, изјави поранешниот директор на ДПИ, Стојко Пауновски за емисијата „24 анализа“.

Според него, сите вработени во ДПИ се гордеат со тоа што граѓаните им дале поддршка и се надева дека наредната директорка ќе продолжи со истото темпо во интерес на граѓаните и државата.

„Не сум сакал да му пркосам на никого, тоа е изјава на премиерот, тој си го направил тоа. Јас само си ја барав правдата и ја штитам државата и институциите. Разрешувањето за мене не е казна, не ми е првпат да сум разрешен“, коментира Пауновски.