„Судот со оваа одлука го заобиколи општествениот и јавниот интерес и го стави над се личниот интерес на фамилијата. Општествен интерес е интересот за правда и за сузбивање на криминал“, изјави поранешниот јавен обвинител Стеван Павлевски за порталот „Нова“ по повод одлуката на Основниот суд Скопје 1 кој забрани да се користат материјалите од прислушувањето како докази во истражната постапка бидејќи биле собрани на незаконит начин.
Павлевски нагласува дека со оваа одлука на судот не значи дека се поништува криминалното однесување на функционерите кои се споменуваат во материјалите.
„Судот со овој потег покажа дека очигледно не ги почитува одлуките на Судот за човекови права во Стразбур, а е должен да ги почитува, согласно Уставот и законите кои владеат во Македонија“, вели поранешниот јавен обвинител.