Носителката на кандидатска листа за советници во Крива Паланка од Коалицијата за локални избори предводена од СДСМ, Изабела Павловска,на денешната прес конференција најави промоција, поддршка и развој на културните вредности во општината.
– Сите досегашни манифестации ќе ги продолжиме и ќе ги надополниме со уште поинтересни содржини за граѓаните. Ќе формираме и младински културен центар каде младите ќе имаат можност да учат но и да творат, збогатувајки го на тој начин нашето културно наследство. Ќе ги промовираме нашата историја и нашите обичаи, за Крива Паланка да биде препознаена и како туристичка дестинација но и за да се потсетуваме кои сме и од каде потекнуваме, рече Павловска.
Порача да се зачуваат културата и културните вредности и да са негуваат, затоа што од тоа,како што рече, ќе зависи какво наследство ќе оставиме на идните генерации.