Состојки:
– 5 тиквички
– 3 чешниња лук
– 1 главица кромид
– 2-3 лажици маслиново масло
– 400 гр мешано мелено месо
– 2 лажици натопен ориз
– сол
– бибер
– магдонос
– мелен ѓумбир
– мелен коријандер
– мелен црвен пипер
– 1 јајце
Сос:
– 1 главица кромид
– 2-3 компири
– 2 лажици маслиново масло
– сок од домати
– средината на тиквичката
– сол
– бибер
– сечкана мајчина душица
Подготовка:
Исечете ги тиквичките на два дела и издлабете ги. На масло пропржете ги кромидот и лукот. Во сад измешајте ги месото, пржениот кромид, зачините, јајцето и натопениот ориз.
Сè убаво измешајте и наполнете ги тиквичките.
За сосот исечкајте ги останатите тиквички кои сте ги издлабиле и пржете заедно со кромидот. Се трга од оган, се додава сок од домати, ренданиот компир и зачините по желба.
Наредете ги тиквичките во земјена чинија и прелијте ги со сосот околу нив. Додадете уште половина литар вода за да ги покрие тиквичките.
Покријте со фолија и печете на 250 степени околу час и половина. Десетина минути пред крајот тргнете ја фолијата за се убаво да порумени.
Послужете со павлака или кисело млеко.