Русија разговара со 50 земји за испорака на вакцината против коронавирусот, што ја направија Научниот институт „Гамалеј“ и Рускиот фонд за директни инвестиции, изјави директорот на фондот Кирил Дмитријев.
Дмитријев истакна дека Русија може да произведе „само одредена количина“ на препарати, поради што е ограничен бројот на земји со кои соработува Рускиот фонд.
„Ние работиме со 50 земји. Сега сме фокусирани на 20, каде постигнавме значителен напредок “, рече тој.
Дмитријев додаде дека клиничките испитувања на руската вакцина започнуваат во многу земји. Може да добие одобрение од регулаторот во октомври или ноември.
„Затоа сме фокусирани на оние земји кои се заинтересирани руската вакцина да биде одобрена брзо и кои покажуваат значителен интерес за партнерство со Русија“, објасни тој.