Претседателот Стево Пендаровски информира дека досега од западните сервиси нема податок ни приближно колку ќе трае ситуацијата во Украина.
-Се повеќе на гласност добива сценариото дека можно е руските сили да ги опколат главните украински градови за краток временски период и врз нив да се примени системот на Алепо или Грозни во Чеченија, што значи не дај боже комплетно срамнување со земја и стотици илјади мртви. Очигледно е дека врз Путин никој нема ни влијание ни контрола. Во неговата глава тој мора да ја заврши работата, рече Пендаровски.
Претседателот смета дека единствена точка на надеж во моментов е израелскиот премиер кој има план за решавање на кризата преку разговор со Путин.
-Во тоа краткото соопштение што го објавија се гледа мала надеж со целосен план, а не е насочен само кон евакуирање на Евреите на Украина. Ако тој разговараше со Путин за евакуација, прв ќе го евакуираше Зеленски, рече Пендаровски.