288
Поширок регионален конфликт на Блискиот Исток успешно се спречува, изјави портпаролот на Пентагон, Патрик Рајдер. Во интервју за Би-Би-Си, тој изјави дека во моментов е забележливо дека војната меѓу Израел и милитантите на Хамас е ограничена и дека нејзиното ширење е спречено.
Рајдер ова го изјави откако лидерот на либанската шиитска исламистичка група Хезболах, Хасан Насрала, вчера го одржа својот прв говор по нападот врз Израел на 7 октомври од страна на палестинските милитанти Хамас, во кој најави можна натамошна ескалација, но без конкретни повици за поголем напад врз израелските сили.
Хезболах, кој е поддржан од Иран, спорадично ги напаѓа израелските сили на либанско-израелската граница и ја гранатира израелската територија.