Кристијано Роналдо постигна уште еден гол. Вкупно 926 во богатата фудбалска кариера, што уште повеќе го доближи до магичната бројка од 1.000 постигнати голови во кариерата.
Со ова темпо нема дилема дека Португалецот ќе ја постигне. Но, она што е сосема неверојатно е колку е ефикасен во своите 30-ти.
Од овие 926 гола, Роналдо постигна точно половина, 463 гола, откако наполни 30 години. Така, во последните 10 години од својот живот, тој постигна ист број на голови како и претходните 13, откако дебитираше за Спортинг Лисабон во 2002 година.
🤖🇵🇹 Cristiano Ronaldo has scored 463 goals before turning 30… and 463 after turning 30.
926 career goals after tonight. ✨ pic.twitter.com/WKDsARfPwd
— Fabrizio Romano (@FabrizioRomano) March 7, 2025
Вистина е дека созреваше во првите четири години од кариерата. Вистина е дека дури во неговите подоцнежни години во Реал стана класичен центарфор, што секако влијаеше на неговите подобрени голгетерски перформанси. Но, факт е дека за Роналдо, барем кога станува збор за постигнување голови, може да се зборува како за вино. Колку е постаро, толку подобро.
Кога ќе ја заврши кариерата, нема да има консензус за тоа дали е најдобар во историјата на фудбалот, но несомнено ќе може да се нарекува крал на голгетерите, каков што не е забележан во историјата на фудбалот.