Серхио Перез е убеден дека ќе остане во Ред Бул не само до крајот на оваа сезона во Формула 1, туку и следната година, и покрај коментарите од неговите шефови кои велат поинаку.
„Ова се само гласини“, изјави 34-годишниот возач од Мексико за Formula 1.com.
„Ќе ме видите во Вегас, ќе ме видите следната година. Не сум загрижен за тоа“, додал пилотот.
По катастрофалната домашна трка на Перез со последното 17-то место во Мексико во неделата, директорот на тимот Кристијан Хорнер посочи дека можеби стигнал до крајот на патот со овој тим.
„Мислам дека направивме се што можевме за да го поддржиме Чеко и ќе продолжиме да го правиме тоа во Бразил“, изјави Хорнер.
Во интервју за Скај, консултантот за моторспорт на Ред Бул, Хелмут Марко даде изјава по трката во Мексико, сугерирајќи дека иднината на Перез е неизвесна следната година.
Но Перез рече: „Знам. Тоа е сè што можам да кажам“.
Мексиканецот е во Ред Бул од 2021 година заедно со Макс Верстапен. За тоа време, 27-годишниот Холанѓанец три пати ја освои титулата кај возачите и води во пласманот пред Големата награда на Бразил. Перез е осми со половина помалку бодови.
Веќе има многу шпекулации за неговите можни замени. Еден од нив е Франко Колапинто (21), кој неодамна стана редовен возач на Вилијамс на последните четири Гран При оваа сезона и моментално се смета за еден од најголемите таленти во мотоспортот.