Кошаркарите на Реал синоќа во Мадрид во рамките на АЦБ лигата ја победија Гранада со 79:67, а едно познато лице беше гостин на шефот на клубот – Флорентино Перез.
Лука Дончиќ, ѕвездата на Лејкерси и поранешен играч на Реал Мадрид, дојде на натпреварот. Дончиќ седеше помеѓу Перез и неговиот пријател, исто така кошаркар, Лука Рупник, а една од темите за кои Перез и Лука разговараа за време на натпреварот беше збогувањето со Лука Модриќ.
Не е тајна дека Дончиќ многу го почитува Модриќ и го гледаше неговото збогување од „Бернабеу“ во саботата попладне. Перез пролеа солза кога Модриќ го напушти натпреварот проследен со невидени овации од целиот стадион, а шпанските медиуми објавија дека Дончиќ се чувствувал исто како што Модриќ се збогувал.
„Претседателе, нема да верувате, но во тој момент бев исто толку возбуден како и вие“, рече Дончиќ, цитиран од „Дефенса Централ“.
„Имаш уште една мисија пред тебе. Светско клупско првенство. Сигурен сум дека ќе го оствариме тоа“, му рече Перез низ солзи на Модриќ откако се збогува, а Шпанците вчера објавија дека претседателот на Реал Мадрид му ја ветил на Лука позицијата што ја сака во клубот кога ќе се пензионира од фудбалот.