Претседателот на Реал Мадрид, Флорентино Перез ги критикуваше водечките тела на светскиот фудбал, потврдувајќи ја неговата поддршка за Суперлигата, натпреварувачки проект дизајниран да ја замени Лигата на шампионите.
Во својот воведен говор на отворањето на Генералното собрание на клубот, Перес директно ги обвини Европската фудбалска централа (УЕФА) и Меѓународната фудбалска федерација (ФИФА) дека парите им се најважни.
„ФИФА го зголеми бројот на меѓународни паузи, а УЕФА го зголеми бројот на натпревари во своите натпреварувања. УЕФА пред десет години организираше 488 натпревари, денес 760, се со цел да заработи повеќе. Тие не се грижат за играчите. Тие не мислат дека тој спорт мора да биде одржлив“, изјави 77-годишниот претседател на мадридскиот клуб.
Перез додаде дека тимот на Реал Мадрид оваа сезона може да одигра дури 82 натпревари, а од почетокот на натпреварувањето девет играчи се здобиле со повреди на вкрстените лигаменти, што е еднакво на вкупниот број од минатата сезона.
„Лекарите го нагласуваат заморот како главна причина. Покрај тоа, натпреварите се одвиваат подоцна, што го оневозможува одморот на играчите“, рече Перез, додавајќи дека новиот формат на Лигата на шампионите е „неправеден“ и дека решението е да се создаде Суперлига, натпреварување кое ќе ја „врати големината на фудбалот“.
„Пресудата на Европскиот суд, која е историска и ќе се изучува на факултетите, стави крај на монополот на УЕФА. Веќе подолго време зборувам дека фудбалот е сериозно болен. Никогаш не бил во таква деликатна ситуација. Сите првенства трпат“, истакна тој.
Перез ја обвини и УЕФА за мешање во неодамнешното доделување на „Златната топка“, награда која му се доделува на најдобриот фудбалер на крајот од сезоната. Оваа сезона наградата му припадна на фудбалерот на Манчестер Сити, Родри.