86
Торнадото кое помина низ американските сојузни држави Алабама и Тенеси усмрти најмалку пет лица, а причинета е голема материјална штета.
Американските власти соопштуваат дека има голем број на повредени.
Три лица загинале во округот Џексон во Алабама, а уште две лица во округот Полк во Тенеси.
Во округот Де Калб целосно е уништена детска градинка која била затворена во моментот на непогодата, а повредени се неколку лица кои побарале засолниште таму.
Градот Бентон во Тенеси е наречен „зона на катастрофа“ откако торнадото го прекина дотокот на електрична енергија, а уништи повеќе станбени објекти.
Во Тенеси има неколку пожари, а градот Гатлинбург е потполно евакуиран./Мета