Пет работи кои жените ги сметаат за најпривлечни кај мажите: Висината не им е толку важна

од Stefanija Kuzmanovska

Во бројни анкети на тема што најмногу ги привлекува кај жена од физички карактеристики, во првите пет одговори, мажите најчесто ќе кажат – лице, задник, гради, нозе, очи и насмевка, можеби менувајќи го редоследот на приоритетите.

Од друга страна, повеќето мажи живеат во заблуда дека жените најмногу ги привлекува спортската градба, стомачните мускули, висината…

Истражувањата покажаа дека пет работи ги привлекуваат жените, а некои кои мажите ги сметаат за многу важни, воопшто не им се важни на жените.

1. Рацете и рамената се пресудни
Најважната и најпривлечна компонента на физичкиот изглед кај мажите се широките рамења, како и мускулестите раце, подлактиците и големите дланки. Жените најчесто „паѓаат“ на овие физички карактеристики.

2. Задник
Повеќето жени претпочитаат помал и мускулест задник на мажите. Речиси 70 отсто од нив велат дека не би му дале шанса на маж кој има поголем задник од нив, бидејќи тоа го сметаат за „женски физички атрибут“.

3. На жените им е важен стомакот
Како трета најпосакувана работа на машкото тело, жените го споменаа рамниот стомак, а тоа не значи „плочки“, туку отсуство на пивски стомак.

4. Заби
Белите заби без видливи дупки и кариес се важен фактор за проценка на привлечноста на мажот. Жените сакаат да гледаат здрави и убави заби кај мажите. Истражувањата откриваат дека за жените не е толку важна симетријата на сите делови од лицето, туку тие дури претпочитаат нешто експресивно и несовршено, како што е нагласен нос.

5. Очи
Жените веруваат дека „очите се огледало на душата“. Како една од предметите кои ги сметаат за многу важни за мажите се очите, односно погледот. Повеќето жени сакаат кога мажот има крупни очи и бистар поглед.

Косата и висината не се толку важни
Козметичката индустрија заработува милиони од мажите кои се загрижени за губење на косата, но повеќе од 40 отсто од анкетираните жени претпочитаат ќелави мажи. Она што повеќе од 70 отсто од жените не го сакаат кај мажите е инсистирањето на фризура и покрај склоноста кон ќелавост.

Слична предрасуда важи и кога станува збор за висината на мажот, па се верува дека само мажите повисоки од 185 сантиметри им се привлечни на жените. На радост на пониските момци, тоа не е точно, бидејќи повеќето жени сакаат мажот да биде околу десет сантиметри повисок од неа.

Освен тоа, се чини дека и стилот на облекување кај мажите е важен фактор за жените. Дури 67 отсто од нив не би излегле на состанок со маж кој не се облекува добро според нивниот стандард, пренесува The Richest.

Слични содржини